Выбрать язык
Книги Ветхого Завета
Книги Нового Завета
с русским текстом1Одзза йитӧтас вӧлісӧ Енлӧ кысъялӧм йылісь да му вылісь скиния йылісь тшӧктӧммез.2Му вылісь скинияыс вӧлі лэбтӧм сідз: одзланяс вӧлі "Вежаин", сэтӧн сулалісӧ бивидзан да пызан, кӧда вылын куйлісӧ Енлӧ вайӧм няннез.3Пытшкыс вӧлі сайӧвтӧм ӧшӧтӧм дӧраӧн. Сайӧвтӧминсӧ шуисӧ «Вежася-вежаин».4Сэтӧн сулалісӧ зарниись тшынӧтчан пызан*а да Йитӧтӧн Коробья, кӧда быд ладорсянь вӧлі вевттьӧм зарниӧн. Сэтӧн куйліс енӧжись маннаӧн зарни доз, Ааронлӧн дзоридзасьӧм бедь да Йитӧтӧн изпӧввез.5Йитӧтӧн Коробья вевт вылас вӧлісӧ керувиммез ─ ангеллэз, кӧдна мыччалісӧ Енлісь югьялӧмсӧ. Нія кыкӧн борддэзнаныс вевттисӧ коробья вевтсӧ, умӧль керӧммез лэдзанінсӧ. Ӧні сы йылісь унасӧ оз ков баитны.6Сідз вӧлі лэбтӧм скинияыс.
Скиния Вежаинас кысъявны Еныслӧ вежауджаліссес пыравлісӧ быд лун.7Саяс, Вежася-вежаинас, воас*б ӧтпырись пыравліс дзир ӧтнас аркирейыс. Сія пыртліс вир аслас да отирлӧн умӧль керӧммез понда, кӧднӧ нія керисӧ тӧдтӧг.8Сійӧн Вежа Лолыс висьталӧ: кытчӧдз сулалӧ одзза скинияыс, Вежася-вежаинас туйыс пӧдана.9Сія мыччаліс ӧння кадсясӧ. Енлӧ вайӧм козиннэс да езъяланнэс озӧ вермӧ сӧстӧмтны вайисьыслісь сьӧлӧмсӧ.10Эта быдӧс дзир вывтыр понда керӧм: сёяннэз, юаннэз, быдкодь миссьӧтӧммез, быдпӧлӧс керӧммез. Сідз коліс керны кытшӧмкӧ кадӧдз, виль моз лӧсьӧттӧдз.
11Локтіс Кристос, бурсӧ Вайись Аркирей. Сія пырис ыджытжык да быдсӧн бур скинияӧ. Скинияыс абу керӧм киӧн, абу му вылісьыс кодь.12Кристосыс пырис Вежася-вежаинас Аслас вирӧн, эз пыр кӧзаэз да пороззэз вирӧн. Сідз Сія ӧтпыр да пыр кежӧ вештісис миян мездісьӧм понда.13Мортыс мыйкӧ умӧльӧ кӧ керас, сэк сійӧ киськалӧны пороз да кӧза вирӧн, сотӧм куканнезісь пӧимӧн, медбы сӧстӧмтны вывтырсӧ.14Сэк мымдаись буржыка сӧстӧмтӧ Кристосыслӧн Вирыс! Сія Ачыс Асьсӧ Вежа Лолыс вынӧн вайис Еныслӧ сӧстӧм бур козинӧн. Сылӧн вирыс сӧстӧмтас миянлісь сьӧлӧммезнымӧс кулӧмас вайӧтан умӧль керӧммезісь, медбы кысъявны ловья да былись Енлӧ.
15Сійӧн Исусыс лоис Ен да отир коласын Виль Йитӧтсӧ Керисьӧн. Еныслісь бӧрйӧммесӧ Сія Аслас кулӧмӧн мездӧтіс умӧль керӧммезсиныс. Нія керисӧ умӧльсӧ важ йитӧтыс дырни. Сійӧн бӧрйӧммес босьтӧны кӧсйӧмсӧ пыр кежӧ.16-17Мортыс гижӧ, кинлӧ мый дӧнзяс сы кулӧм бӧрын. Кытчӧдз мортыс ловья, гижӧтыс куйлӧ. Сія гижӧм сьӧрті позьӧ керны дзир мортыс кулӧм бӧрын.18Сійӧн Ен да отир коласын одзза йитӧтсӧ керӧм коста коліс кисьтны вир.19Моисейыс лыддьӧтіс отирыслӧ Туйдӧтсис быдӧс тшӧктӧммесӧ. Сэсся босьтіс пороззэзлісь да кӧзаэзлісь вирсӧ ва сорӧн, иссоп турун да гӧрд вурун. Ва сора вирас кӧтӧтіс иссопсӧ гӧрд вуруннас да резіс Туйдӧт небӧгсӧ*в и быдӧс отирсӧ.20Сія висьталіс: «Эта ─ йитӧтлӧн вир. Еныс тшӧктіс овны сія йитӧт сьӧрті».21Сэсся Моисейыс резіс вирнас скиниясӧ да Енлӧ кысъялан быд дозсӧ.22Туйдӧтыс тшӧктӧ, медбы быдӧс сӧстӧмтісӧ вирӧн. Вир кисьттӧг оз овлы умӧль керӧммесӧ проститӧмыс.
23Этадз сӧстӧмтлісӧ енӧжисьыс сьӧрті му вылас лӧсьӧтӧмсӧ. А енӧжисьыслӧ колӧ буржык езъялан козин.24Кристосыс эз пыр му вылісь вежаинӧ, кӧда керӧм морт киӧн енӧжисьыс сьӧрті. Сія пырис енӧжас. Ачыс сувтіс Еныс одзӧ дорйыны миянӧс.25Сія эз пыр енӧжас, медбы унаись Асьсӧ сетны езъялан козин туйӧ. Му вылісь аркирейыс эд сідз керӧ: быд воӧ ӧтпырись пыравлӧ Вежася-вежаинас пода вирӧн.26Кристосыс кӧбы сідз керис, сэк Сылӧ оланыс пондӧтчӧмсянь коліс бы унаись кувлыны. Но Сія бӧрья кадӧ локтіс дзир ӧтпырись. Асьсӧ сетіс езъялан козинӧн, медбы отирсӧ умӧль керӧммезсиныс мездыны пыр кежӧ.27Мортыс ӧтпыр кулӧ, сэсся сюрӧ суд вылӧ.28Сідз коліс керны и Кристосыслӧ: ӧтпыр сетны Асьсӧ езъялан козинӧн да уна отирлісь умӧль керӧммесӧ босьтны Ас вылас. Мӧдпырись Сія оз лок сӧстӧмтны отирсӧ умӧль керӧммезісь. Сія локтас мездыны Сійӧ видзчисиссесӧ.
*а 9.4 тшынӧтчан пызан ─ стол для возжигания благовоний, кадильный жертвенник
*б 9.7 во ─ год
*в 9.19 небӧг ─ книга
Глава 9