Выбрать язык
Книги Ветхого Завета
Книги Нового Завета
с русским текстом1 Но Ионань мялец пяк колавсь тянкса, и сон кяжиясь.2 Сон озондсь Азорти и корхтась: «Вай, Азор! Дяряй аф тянь колга мон корхнень Тейть, мзярда нинге улень эсь масторсон? Мон вдь тянкса и ёрань ворьгодемс Фарсису, сяс мес содайне: Тон паронь тии и седиень маряй Шкаят, кона куватьс кирди и лама кельгозь ужяльди, и Тонь аш мяльце кучемс зиян.3 И тяни, Азор, сявк ваймозень, сяс мес тейне сяда пара куломс, а аф эрямс».
4 Азорсь мярьгсь Ионань каршес: «Азк, тонь ули туфталце кяжиямс?»
5 Иона лиссь ошста и озась ошть эзда шинь стяма шири. Тоса тарадста сон тись эстейнза кош, озась алонза, эшкскяти, и учсь, мезе лиси ошть мархта.6 Азор Шкайсь касфтсь Ионань вельхксса касыкс, улель эшкскя прянц вельхксса и туль седистонза кяжсь. Иона пяк кенярдсть тя касыксти.
7 Но омбоце шиня, валдашкодомшовор, Шкайсь кошардозе суксть поремс касыксть, и сон коськсь.8 Мзярда лиссь шись, Шкайсь кучсь шиньстяма ширде пси варма, и шись кармась сяшкава пидемонза Ионань прянц, нльне сон маштсь вийда. Эста Иона вешсь эстейнза кулома, сон мярьгсь: «Тейне сяда пара куломс, а аф эрямс».
9 Но Шкайсь мярьгсь Ионанди: «Азк, тонь ули туфталце кяжиямс тя касыксть инкса?» Сон мярьгсь: «Ули, мянь куломшка».10 Эста Азорсь мярьгсь: «Тон пичедят касыксть инкса, конань перьфке ашеть шара и конань ашить касфне. Сон фкя веста кассь и фкя веста юмась.11 Ина кода Тейне аф ужяльдемс Ниневиять, оцюдонга оцю ошть, конань эса эряй сяда комсь тёжяньда лама ломань, конат аф содасазь, коса види кядсь и коса кержись, и пяк лама жуватада?»
Глава 4