Выбрать язык
Книги Ветхого Завета
Книги Нового Завета
с русским текстом1Ме видзӧтышті да казялі: Дзельыс сулалӧ Сион керӧс вылын. Сыкӧт ӧтлаын сулалӧны сё нёльдас нёль сюрс*а морт. Кымӧс вылас нылӧн гижӧм Сы Айлӧн нимыс.2Ме кылі енӧжсянь баитан шы, кӧда вачкисис уна ва усян шы вылӧ да ӧддьӧн гымалӧм шы вылӧ. Кыліс и шы, жыв орсісӧ сиа орсаннэз вылын.3Енлӧн юралан пукӧс одзын, нёль енӧжись олісь одзын да пӧриссес одзын нія сьылісӧ виль сьыланкыв. Сійӧ сьыланкывсӧ сьывны некин эз вермы велавны. Сійӧ сьылісӧ дзир сё нёльдас нёль сюрс мортыс, кӧдна небӧмась му вывсис.4Нія инькаэзкӧт узьлӧмӧн асьнысӧ эз сэрпӧсьтӧ, нія сӧстӧмӧсь. Нія мунӧны Дзельыс сьӧрӧ, кытчӧ бы Сія эз мун. Му вылісь отир коласісь нія медодзза небӧммез Еныслӧ да Дзельыслӧ.5Ны ӧмись некӧр эз петлы бӧбӧтчӧмыс, Енлӧн юралан пукӧс одзын нія сӧстӧмӧсь.
6Сыбӧрын ме казялі: енӧж шӧрӧттяс лэбзис мӧдік ангел. Сылӧн вӧлі пырся Бур Юӧр. Сылӧ коліс Юӧрсӧ висьтасьны му вылас оліссезлӧ: быд увтырлӧ, быд чужан вужлӧ, быдкодь кыв вылын баитіссезлӧ да быд отирлӧ.7Сія горӧн висьтавліс: «Полӧ Енсис да ошкӧ Сійӧ, локтіс Сылӧн Суд Луныс! Енӧжсӧ, мусӧ, саридзсӧ да ва петаніннэсӧ Аркмӧтісьыслӧ копыртчӧ!»
8Сы сьӧрын лэбзис мӧдік ангел. Сія висьталіс: «Разьсис, разьсис Вавилон, ыджыт кар! Сія эд быдӧс отирсӧ кыдз винаӧн кодззӧтліс аслас пӧтлытӧг кыскасьӧмӧн».
9Одзза кык ангел бӧрсянь лэбзис куимӧт ангел. Сія горӧн висьтавліс: «Кин копыртчас кӧ вӧрпаыслӧ да сы кодь керӧмыслӧ да лэдзас пуктыны сылісь пассӧ кымӧс вылас али ки вылас,10сія пондас юны Еныс лӧгись керӧм сорлавтӧм*б вина. Сія пондас юны Ен лӧгӧн тырӧм дозісь. Вежа ангеллэс да Дзельыс одзын пондасӧ сійӧ маитны биын да сотчан истӧгын.11Нійӧ маитансянь тшыныс пыр пондас кайны. Вӧрпаыслӧ да сы кодь керӧмлӧ копрасисьыс да сылісь ним пассӧ пуктісьыс зникасӧ*в оз понды тӧдны ойӧн не, лунӧн не.12Вежа отирлӧ, кӧдна олӧны Енлӧн тшӧктӧммез сьӧрті да веритӧны Исуслӧ, колӧ видзсьыны мыланыс быртӧг».
13Сэк ме кылі шы, кӧда висьталіс меным енӧжсянь: «Гиж: Шудаӧсь нія, кӧдна ӧнісянь кулӧны Дӧсвидзисьлӧ веритӧмӧн. "Сідз эд", шуӧ Лов. "Ӧні нія шоччисясӧ асланыс уджжезісь. Нылӧн керӧмныс локтӧ ны бӧрсянь"».
14Ме видзӧтышті да казялі чочком кымӧр. Кымӧр вылас пукаліс кинкӧ Морт Зон кодь. Юр вылас Сылӧн вӧлі зарниись юркытш, киас ─ лэчыт чарла.15Сэтӧн Вежа Керкусис петіс эшӧ ӧтік ангел. Сія горӧтіс кымӧр вылас Пукалісьлӧ: «Босьт Ассит чарлатӧ да вунды. Вунданнэс му вылас воисӧ, вундан кадыс локтіс».16Сэк кымӧр вылас Пукалісьыс чарласӧ шентіс му вылас. Му вывсис воӧмыс вӧлі вундӧм.
17Енӧжын Вежа Керкуись петіс мӧдік ангел. Лэчыт чарла вӧлі и сылӧн.18Езъяланіныс дынсянь петіс эшӧ ӧтік ангел. Сылӧ вӧлі сетӧм би видзан вын. Лэчыт чарланас ангелыслӧ сія горӧтіс: «Босьт ассит лэчыт чарлатӧ да му вывсис орлав виноград вывсис роззэсӧ, ягӧдыс эд воис ни».19Ангелыс шентіс ассис чарласӧ му вылас да орлаліс виноград роззэсӧ. Сія чапкис виноградсӧ Ен лӧгӧн тырӧм ыджыт пичканінӧ.20Виноград туссесӧ талисӧ кар сайын пичканінас. Пичканінсис вирыс лэбтісис вӧввез сермӧтӧдз да визывтіс сюрс кватьсё стадий*г кузя.
*а 14.1 сё нёльдас нёль сюрс ─ 144 000
*б 14.10 сорлавтӧм ─ неразбавленный
*в 14.11 зника ─ покой
*г 14.20 сюрс кватьсё стадий ─ 1 600 стадий, 300 км
Глава 14