Библия на финно-угорских языках

•   
• Главная
• Библия
• Bible Stories
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгупро «Библия»СодержаниеСловарьПсалтирьПритчиЕкклесиаст

Книги Нового Завета про «Бур Юӧр»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ВЕЖА АПОСТОЛ ИОАНЛӦ ОСЬТӦМ

Глава 5

Сераку*а да Дзель

1Юралан пукӧс вылас Пукалісьыслісь веськыт кисис ме казялі ӧтмӧдӧрсянь гижӧм сераку. Сія вӧлі каттьӧм да игналӧм сизим пасӧн*б.2Ме казялі ыджыт вына ангелӧс. Сія горӧн юаліс: «Кинлӧ позьӧ жугдыны пассэсӧ да путшӧтны серакусӧ?»3Енӧжас, му вылас да му пытшкас некин тай эз адззись, кӧда вермис бы осьтны сійӧ да видзӧтны сы пытшкӧ.4Ме ӧддьӧн горзі, мыля эз адззись сэтшӧмыс, кинлӧ позис бы осьтны сійӧ серакусӧ да видзӧтны пытшксӧ.5Сэк пӧриссес коласісь ӧтік висьталіс меным: «Эн горзы: То, Вермалісьыс ─ Лев! Сія Иуда увтырись, Давид вужись. Сылӧ позьӧ жугдыны сизим пассӧ да осьтны серакусӧ».

6Юралан пукӧс одзсис Ме казялі Дзельӧс. Сія вӧлі сэтшӧм, жыв сійӧ вайӧмась езъялан козинӧн*в. Сы гӧгӧрын вӧлісӧ нёль енӧжись олісьыс да пӧриссес. Дзельыслӧн вӧлі сизим сюр да сизим син. Нія Еныслӧн сизим лов, кӧднӧ ыстӧмась быдсӧн муыс пасьта.7Сія сибӧтчис юралан пукӧсыс дынӧ да босьтіс Пукалісьыслісь веськыт кисис серакусӧ.

8Кӧр Сія босьтіс серакусӧ, сэк нёль енӧжись олісьыс да кыкдас нёль пӧрисьыс уськӧтчисӧ Дзельыс одзӧ. Нылӧн быдӧнныслӧн вӧлісӧ сиа орсаннэз*г да зарниись доззэз. Доззэс вӧлісӧ тыраӧсь чӧскыт руа ладан тшынӧн. Ладан тшыныс ─ вежа отирлӧн кеймӧммес.

9Нія сьылісӧ виль сьыланкыв:

─ Тэныт позьӧ босьтны серакусӧ,
жугдыны пассэсӧ да осьтны сійӧ,
Тэ эд вӧлін начкылӧм.
Еныслӧ Тэ небин отирсӧ Аслат Вир вылӧ
быд увтырись, быд кылісь,
быд чужан вужись, да быд йӧзісь.
10Еннымлӧ Тэ сувтӧтін миянӧс
ӧксуэзӧн да вежауджаліссезӧн.
Мийӧ му вылас пондамӧ юравны.

11Сэк ме видзӧті да кылі юралан пукӧс гӧгӧрас унася-уна ангеллэзлісь, енӧжын оліссезлісь да пӧриссезлісь шыэз. Нія вӧлісӧ унася-уна, нійӧ эз позь лыддьыны.12Нія быдӧнныс горӧн шувлісӧ:

─ Начкылӧм Дзельыслӧ
позьӧ босьтны юралӧмсӧ,
дона берсясӧ, мывкыдсӧ, вынсӧ,
югьялӧмсӧ да лэбтӧм-ошкӧмсӧ!

13Ме кылі, кыдз быдӧс аркмӧтӧмыс, кӧда эм енӧжас, му вылас, му пытшкас да саридзас, висьтавліс:

─ Юралан пукӧс вылас Пукалісьыслӧ
да Дзельыслӧ
лэбтӧм-ошкӧм, югьялӧм
да юралӧм пырся-пыр!

14Сэк нёль енӧжись олісьыс шуисӧ: «Аминь!» Пӧриссес уськӧтчисӧ пырся Олісьыс одзӧ да копыртчисӧ Сылӧ.

*а 5.1 сераку ─ свиток

*б 5.1 пас ─ печать

*в 5.6 езъялан козин ─ жертва, жертвенный дар

*г 5.8 сиа орсан ─ струнный инструмент

 Глава 5