Библия на финно-угорских языках

•   
• Главная
• Библия
• Bible Stories
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгупро «Библия»СодержаниеСловарьПсалтирьПритчиЕкклесиаст

Книги Нового Завета про «Бур Юӧр»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ВЕЖА АПОСТОЛ ПАВЕЛЛӦН ЕВРЕЙЕЗЛӦ ГИЖӦТ

Глава 4

Енлӧн отирлӧ лӧсьӧтӧм шоччисянін

1Еныс кӧсйӧм сьӧрті Сы шоччисянінӧ пырны кытчӧдз позьӧ. Сідзкӧ, пондам повны, медбы некин тіян коласісь эз сёрмы пырны Сылӧн шоччисянінӧ.

2Миянлӧ вайисӧ Бур Юӧрсӧ айезнымлӧ моз. Кылӧмыссянь нылӧ эз вӧв бурыс. Кылыс эз йидж сьӧлӧманыс, кыліссес эд эзӧ веритӧ юӧртӧмыслӧ.3Лӧняс пырамӧ мийӧ, веритіссес. А ны йылісь, кӧдна эзӧ веритӧ, Еныс Ачыс висьталӧм сідз:

─ Ме лӧгувьям висьталі:
«Нія озӧ пырӧ шоччисянінас, кӧдӧ Ме лӧсьӧті».

Еныс висьталӧм сідз, кӧть быдӧс аркмӧтӧм бӧрын Сылӧн шоччисяніныс вӧлі лӧсьӧтӧм ни.4Мӧдіклаын сизимӧт луныс йылісь гижӧм сідз: «Сизимӧт лунас Еныс шоччисис быд уджись».5Одзас эд вӧлі висьталӧм ни: «Нія озӧ пырӧ шоччисянінас, кӧдӧ Ме лӧсьӧті».

6Мукӧдыс Енлӧн лӧсьӧтӧм шоччисянінӧ эшӧ пырасӧ. А кӧдналӧ вӧлі одзжык юӧртӧм, нія эзӧ кывзісьӧ да эзӧ пырӧ сэтчӧ.7Сійӧн Еныс сетіс лун. Сійӧ лунсӧ шуис «Талун». Сэксянь чулаліс уна кад. Одзжык баитӧмсӧ Сія казьмӧтӧ Давидыс пыр: «Талун, Еныслісь шысӧ кылӧм коста, эд чорзьӧтӧ сьӧлӧммезнытӧ».

8Навин Исусыс кӧбы вермис сетны шоччӧтсӧ Египетісь петӧммезлӧ, Еныс эз бы висьтав мӧдік лун йылісь.9Сійӧн Енлӧн отирыс пырасӧ шоччисянінас бӧрынжык.10Еныс шоччисьӧ Аслас уджись. Кин пырис Сы шоччисянінӧ, шоччисьӧ Еныс моз.11Вынсьӧтчам пырны Сы шоччисянінӧ. Кывзісьтӧм отир моз ась некин оз кольччы шоччисянінас пыртӧг.

12Енлӧн Кылыс ловья, сія керӧ Ассис вына уджсӧ. Еныслӧн Кылыс лэчытжык кыкнан дорсӧ кеслӧм шыпуртся*а. Сія йиджӧ пытшкӧдззас, олӧмсӧ ловкӧт да лысӧ*б вемкӧт*в торйӧтӧ. Сія осьтӧ юрын видзӧмсӧ да сьӧлӧм вылӧ пуктӧмсӧ.13Еныс шогья некин оз вермы сайӧвтчыны. Сы синнэз одзын быдӧс осьта. Сія быдӧс адззӧ. Сы одзын миянлӧ ковсяс быдӧс понда кыв видзны.

Исус ─ ыджыт Аркирей

14Миян эм ыджыт Аркирей ─ Исус, Енлӧн Зон. Сія лэбтісис енӧжся вылынжыка. Сідзкӧ, бура пондам видзсьыны Сылӧ веритӧманым.15Миян сэтшӧм Аркирей, Кӧда вежӧртӧ миянӧс, кӧр мийӧ вынтӧмӧсь. Сы вылӧ, кыдз и миян вылӧ, усис быдӧс сьӧкытыс-ылӧтлӧмыс, но Сія умӧльсӧ эз кер.16Сійӧн повтӧг сибӧтчам бурсӧ сетісь Енлӧн юралан пукӧс дынӧ, медбы аскадӧ босьтны отсӧтсӧ, небыт сьӧлӧмсянь бурсетӧмсӧ.

*а 4.12 шыпурт ─ меч

*б 4.12 лы ─ кость

*в 4.12 вем ─ мозг

 Глава 4