Выбрать язык
Книги Ветхого Завета
Книги Нового Завета
с русским текстом1Кӧзяиннэз, асланыт раббезкӧт быдӧс керӧ веськыта*а. Быдӧнныскӧт видзсьӧ ӧтмоза. Видзӧ тӧдвыланыт: и тіян вылын енӧжас эм Кӧзяин.
2Дугдывтӧг кеймӧ! Кеймӧ вежӧра юрӧн да Енсӧ буркывтӧмӧн.3Кеймӧ и миян понда. Еныс ась осьтӧ ыбӧссэсӧ, медбы вермим висьтасьны Енлісь Кывсӧ, Кристос йылісь тӧдлытӧмсӧ. Ӧні ме эд сы понда и пукала.4Кеймӧ ме понда, медбы верми Сы йылісь висьтасьны кыдз колӧ.5Мӧдіккескӧт, кӧдна озӧ веритӧ, асьнытӧ видзӧ бур мывкыдӧн. Позьӧ кӧ, быд кадӧ ныкӧт баитӧ.6Пыр сёрнитӧ бур сьӧлӧмсянь, но солыштӧм кыввезӧн. Сэк пондат тӧдны, мый висьтавны быд юасисьлӧ.
7Ме йылісь тіянлӧ быдӧс висьтасяс Тихикыс. Сія менам дона вон, ӧтлаын уджалісь да Дӧсвидзисьлӧн надейнӧй кысъялісь.8Ме сійӧ ысті тіян дынӧ. Сія тӧдмалас тіян олӧм йылісь да вынсьӧтас тіянӧс.9Сійӧ ыстім дона Онисим воннымкӧт. Сія надейнӧй вонным петіс тіян коласісь. Нія тіянлӧ быдӧс висьтасясӧ татӧн керсьӧм йылісь.
10Тіянлӧ юӧр ыстӧ Аристарк. Сія пукалӧ ӧтлаын мекӧт. Пым юӧр и Марксянь. Сія Варнавалӧн очавон*б. Сы йылісь тіянлӧ вӧлі юӧртӧм ни: локтас кӧ, босьтӧ сійӧ дынаныт.11Юӧр ыстӧ и Исус, кӧдӧ шуӧны Иустӧн. Иудейез коласісь нія ӧтнаныс уджалӧны мекӧт Енлӧн Юралӧм*в понда. Нія менчим сьӧлӧмӧс кокньӧтӧны.
12Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь*г и медбы тіян быдӧс вӧлі Еныс сьӧрті.13Тіянлӧ висьтала сы йылісь: сія уна уджалӧ, тӧждісьӧ тіян понда да и Иерапольын да Лаодикияын оліссез понда.14Тіянлӧ юӧр ыстӧны Димас да миян дона веськӧтісь Лука.
15Миянсянь юӧр ыстӧ Лаодикияись воннэзнымлӧ, Нимфанлӧ да веритіссезлӧ, кӧдна ӧксьывлӧны сы ордын.16Этӧ гижӧтсӧ лыддьӧтат да ыстӧ Лаодикияас, ась и нія лыддьӧтӧны. А тійӧ лыддьӧтӧ нылӧ ыстӧм гижӧтсӧ.17Аркипыслӧ висьталӧ сідз: «Видзӧт, тэныт уджсӧ сетіс Дӧсвидзисьыс, сійӧ ештӧт*д».18Ме, Павел, медбӧрья кыввесӧ гижа аслам киӧн*е. Месянь тіянлӧ пым юӧр. Тӧдвыланыт видзӧ менчим Кристос понда пукалӧмӧс. Еныслӧн бурсетӧмыс ась лоас тіянкӧт быдӧнныткӧт! Аминь.
*а 4.1 веськыта ─ справедливо
*б 4.10 очавон ─ двоюродный брат
*в 4.11 Енлӧн Юралӧм ─ Царство Божье
*г 4.12 быдсӧн бур ─ совершенный
*д 4.17 ештӧтны ─ завершить
*е 4.18 Эта гижӧтыс гижӧм апостол Павеллӧн висьтавлӧм бӧрсянь.
Глава 4