Выбрать язык
Книги Ветхого Завета
Книги Нового Завета
с русским текстом1Сідзкӧ, воннэзӧ, гажӧтчӧ Дӧсвидзисьыскӧт ӧтлаасьӧмсянь! Эта йылісь тіянлӧ бӧра гижны меным абу сьӧкыт, а тіянӧс гижӧмӧ видзас умӧльсис.2Ылынжыка видзсьӧ умӧляс велӧтіссес дынісь, кӧдна тшӧктӧны тіянӧс асьнытӧ вундыштыштны. Нія кыдз лӧг поннэз.3Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.4А кин пондас ас вылас надейтчыны, то меным ас вылам позьӧ надейтчыны ӧддьӧнжык.5Ме эд кыкьямысӧт лунас вундыштыштӧм, Израиль отир коласісь, Вениамин увтырись, иудейезсянь чужи иудей, вӧлі фарисей, олі Моисейлӧн Туйдӧт сьӧрті.6Ме быд вынісь вашӧтлі Кристослісь вичкусӧ, Сылӧ веритіссесӧ. Видзӧтны кӧ Моисейлӧн Туйдӧт сьӧрті, ме веськыта олі, ме сайын эз вӧв умӧль керӧмыс.7Мый меным одзжык вӧлі медколана, ӧні Кристосыс понда сія абутӧм туйӧ.8Менам Дӧсвидзисьыс ─ Кристос Исус. Сійӧ тӧдӧм понда быдӧс пукта абутӧм туйӧ. Сы понда ме быдӧс коли. Быдӧс мӧдіксӧ ме пукті ёг туйӧ, медбы Кристосыс вӧлі мекӧт,9и ме Сыкӧт ӧтлааси да лои Ен сьӧрті веськыта олісьӧн. Веськыта оланӧ менам абу Туйдӧт сьӧрті керӧмӧ понда, а Кристослӧ веритӧмӧ понда. Еныс эд пуктӧ Сы сьӧрті веськыта олісьӧ дзир сійӧ, кин веритӧ Кристослӧ.10Меным колӧ тӧдны Сійӧ, Сылісь ловзьӧтан вынсӧ, Сы моз пессьыны-мырсьыны да Сы моз кувны.11Поди, сэк и кулӧм бӧрам ловзя.
12Ог шу этадз: «Ме локті ни коланаӧдззас да лои быдсӧн бурӧн». Дзир вынсьӧтча мунны одзлань, медбы локны сэтчӧдз, менӧ эд корис Кристос Исусыс.13Воннэзӧ, ме эг на лок коланаӧдззас. Ме верма висьтавны ӧтікӧ: бӧрам кольччӧмсӧ вунӧтӧмӧн иньдӧтча одзлань.14Тэрмася котӧртны одзлань, медбы босьтны енӧжись козинсӧ. Сійӧ босьтны Еныс корис Кристос Исускӧт ӧтлаасьӧммесӧ.
15Сідзкӧ, кин миян коласісь быдсӧн вежсис бурланьӧ, сылӧ сідз и колӧ авйыны. А мӧдмоза кӧ мыйкӧ авйатӧ, сійӧ тіянлӧ Еныс осьтас.16Сідзкӧ, мый мийӧ ештім тӧдны, сійӧ колӧ юрын видзны да сы сьӧрті овны.
17Воннэзӧ, олӧ ме моз. Видзӧтӧ ны вылӧ, кӧдна олӧны миян моз.18Ме тіянлӧ одзжык унаэз йылісь баитлі ни. Ӧні ны йылісь баита синва пыр. Нія Кристослӧн крест вылын керӧмлӧ паныт лэбтісьӧны.19Нія мунӧны кулӧмас, нылӧн енныс ─ гыркныс, нія ошшасьӧны рожа кулян керӧмнаныс. Юраныс видзӧны дзир му вылісьсӧ.20Миян оланінным енӧжас. Сэтчинсянь мийӧ и видзчисям Мездӧтісьсӧ, миянлісь Дӧсвидзись Кристос Исуссӧ.21Сылӧ сетӧм вын быдӧс босьтны Аслас киӧ. Сія жӧ вынӧн Кристосыс миянлісь кулана вывтыррезнымӧс мӧдкодьсьӧтас. Нія лоасӧ Сылӧн югьялан вывтыр кодьӧсь.
*а 3.12 быдсӧн бур ─ совершенный
Глава 3