Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгупро «Библия»СодержаниеСловарьПсалтирьПритчиЕкклесиаст

Книги Нового Завета про «Бур Юӧр»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МАТВЕЙСЯНЬ ВЕЖА БУР ЮӦР

Глава 4

Исус мунӧ Галилея муӧ

1Сыбӧрын Исуссӧ Лов нуӧтіс кушмуӧ, медбы кульыс Сійӧ ылӧтліс.2Исусыс кӧслуналіс*а нёльдас лун, нёльдас ой да ӧддьӧн тшыгьяліс.3Сэк Сы дынӧ локтіс ылӧтлісь да шуис: «Тэ кӧ Енлӧн Зон, висьтав, этна иззэс ась пӧртчӧны няньӧ».4Исусыс сылӧ висьталіс: «Гижӧм: "Дзир ӧтік няньӧн оз понды овны мортыс, а Енсянь петӧм быд кылӧн"».

5Сэсся кульыс вайӧтіс Исуссӧ вежа Ерусалим карӧ да сувтӧтіс Вежа Керку*б вылӧ.6Сылӧ висьталіс: «Тэ кӧ Енлӧн Зон, уськӧтчы тасянь улӧ. Гижӧм тай: "Ассис ангеллэсӧ тшӧктас видзӧтны Тэ сьӧрын. Киэз выланыс нуӧтасӧ Тэнӧ, медбы коктӧ из бердӧ эн дойд"».7Исусыс паныт висьталіс: «Сэтӧн гижӧм и сідз: "Аслат Дӧсвидзись Енлісь мыласӧ*в эн пешлы!"»

8Кульыс сэк кайӧтіс Исуссӧ вылын керӧсӧ да мыччаліс быдӧс олан муэзсис быдпӧлӧс бурсӧ да басӧксӧ.9Сыбӧрын Исусыслӧ шуис: «Копыртчан кӧ меным муӧдззас, сэк нійӧ быдӧс Тэныт сета».10Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв*г!"»

11Сэк кульыс колис Исуссӧ. А Сылӧ отсавны локтісӧ ангеллэз.

Исус мунӧ Галилея муӧ

12Иоансӧ пуксьӧтісӧ. Этія йылісь кылӧм бӧрын Исусыс бертіс Галилея муӧ.13Назаретсис Сія муніс овны Капернаум карӧ, Галилея ты*д дорӧ. Сія муыс вӧлі Завулон да Неффалим*е увтырлӧн.14Сідз керсис Енсянь юӧртісь Исай пыр висьтавлӧмыс:

15─ Завулонлӧн му, Неффалимлӧн му,
саридз*ж дорӧт туй вылын Иордан ю сайын,
ентӧдтӧм отира*з Галилея му!
16Пемытын олісь отир казяліс дзар югытсӧ.
Кулан вуджӧр увтын оліссеслӧ югытыс югйӧвтіс.

17Сія кадсянь Исусыс пондіс юӧртны-висьтавлыны: «Бергӧтчӧ умӧль керӧммезныт дынісь! Енӧжись Юралӧмыс матын ни!»

Медодзза велӧтчиссез

18Галилея ты дынӧт мунікӧ Исусыс казяліс кык вонӧс: Симонӧс, кӧдалӧн мӧд нимыс Петра, да сылісь Ӧндрей вонсӧ. Кыкнанныс кыяннысӧ*и вӧтьӧны вӧлі ваас. Нія эд вӧлісӧ чери кыйиссез.19Исусыс нылӧ шуис: «Локтӧ Ме сьӧрӧ! Ме тіянӧс кера морт кыйиссезӧн».20Кык вон сэк жӧ колисӧ кыяннысӧ да мунісӧ Сы бӧрсянь.21Одзлань мунікӧ Исус казяліс пыжись мӧдік кык вонӧс: Яковӧс да Иоанӧс. Ныкӧт вӧлӧм Зеведей айныс. Нія вочӧны вӧлі кыяннэсӧ. Исусыс корис и нійӧ.22Нія колисӧ пыжсӧ, айнысӧ да мунісӧ Исусыс сьӧрӧ.

23Исусыс ветлӧтіс Галилея муӧт, велӧтіс синагогаэзын*к. Сія висьтасис Енлӧн Юралӧм йылісь Бур Юӧрсӧ, отирсӧ веськӧтіс быдкодь висьӧмись да быд шогӧтісь.24Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ*л, усяліссесӧ, параличӧн личкӧм отирӧс. Сія быдӧннысӧ веськӧтліс.25Исусыс сьӧрын ветлӧтіс унася-уна отир: Галилеяись, Дас карлӧн муись, Иудеяись, Иордан ю сайын муись да Ерусалим карись.

*а 4.2 кӧслунавны ─ ютӧг, сёйтӧг кеймӧмӧн овны

*б 4.5 Вежа Керку ─ храм

*в 4.7 мыла ─ терпение

*г 4.10 кысъявны ─ служить

*д 4.13 ты ─ озеро

*е 4.13 Завулон да Неффалим ─ Яковлӧн, мӧд нимнас кӧ шуны, Израильлӧн зоннэз

*ж 4.15 саридз ─ море

*з 4.15 ентӧдтӧм отир ─ язычники

*и 4.18 кыян ─ сеть

*к 4.23 синагога ─ иудейезлӧн кейман керку

*л 4.24 пессьыны-мырсьыны ─ страдать

 Глава 4